С.Эрдэнийг дэмжигч талын АН-ын дарга М.Тулгат мэдээлэл өглөө.

Тэрбээр “Хүний эрхийн холбогдолтой асуудлууд сэтгэл түгшээсэн байдалтай байна. Үзэл бодлоо илэрхийлсэн залуучууд 461 дүгээр хорин ангид хоригдож байна. Мөн талбай дээр хоёр хүн өлсгөлөн зарлаж, нэгийнх нь биеийн байдал муудаж эмнэлэгт хүргэгдсэн байна.

АН-аас хоригдож байгаа залуусыг батлан даалтаар гарагж авах хүсэлтийг прокурорын байгууллагад хүргүүлж байна. Энэ асуудалд цаашид хууль эрх зүйн талаас нь ажиллахаар төлөвлөж байна. Эдгээр залуус террорист үйл ажиллагаа явуулаагүй. Хойшлуулшгүйгээр цагдан хорих үндэслэл байхгүй гэж АН үзэж байгаа юм.

Цагдаагийн байгууллагаас иргэдийн үг хэлэх, үзэл бодлоо илэрхийлэх, тайван жагсаал цуглаан хийх Үндсэн хуулиар олгогдсон эрхэд нь удаа дараа эрээ цээргүй халдаж байна.

Олныг хамарсан үйл ажилалгаа явуулсан дарга нарт хариуцлага тооцож чадахгүй байж энгийн иргэдээ дарамтлах, хүч хэрэглэх, мөрдөн мөшгиж байна. Үүний илрэл нь Э.Одбаяр, Д.Монголхүү нар юм. Тэд өлсгөлөн зарлаад байгаа бгөөд нэг нь биеийн байдал нь хүндэрчээ. Үүнийг эрх баригч нам тоохгүй байгааг эсэргүүцэж байна. Тиймээс дээрх иргэдийг хуульд заасны дагуу төлөөллөөрөө дамжуулан батлан даах хүсэлтийг хүргүүлж байна.

Тэднийг баривчлах үед цагдаагийн алба хаагчдын зүгээс гаргасан хүний эрхийн зөрчил, хууль бус үйлдлийг шалган тогтоож цаашид хэрэг шалгах үйл ажиллагаанд хууль зөрчсөн буруу жишгийг давтахгүй байхад анхаарч ажиллахыг прокурорын байгууллагаас хүсэж байна” гэлээ.

А.Сүх