Өчигдөр УИХ дахь МАН-ын бүлгийн хуралдаанаар Оюутолголгойн хэлэлцээртэй холбоотой асуудлыг хэлэлцжээ.

Энэ талаар ЗГХЭГ-ын дарга Ц.Нямдоржоос тодруулахад "Оюутолгойгоос Ерөнхий сайдын нэр дээр бичиг ирсэн. Энэ талаар Бүлгийн хурлаар танилцуулга хийгдсэн. Нууц хуралдаан учраас энэ талаар мэдээллийг хэлж чадахгүй. Ямар ч байсан хэлэлцээр явагдаж байгаа.

Хэлэлцээр учраас өнөөдөр нэг юм, маргааш өөр юм ярина шүү дээ. Тохирч байж эцсийн шийд гарна.

Түүнээс биш хэлэлцээрийн явцад яригдсан бүх зүйлээр мэдээлэл өгөөд байх боломж байхгүй. Ер нь бол хуулийн болон санхүүгийн зөвлөх үйлчилгээний компани хөлсөлж авч цааш яриа хэлэлцээр хийх төлөвтэй байгаа.

Оюутолгойтой холбоотой 34 хувийн өр гэдэг хэлэлцээрийн түвшинд хөндөгдөж байгаа. Ямар түвшинд шийдэгдэх нь тодорхойгүй байна. Х.Нямбаатар сайд энэ асуудлыг ахалж ажиллаж байгаа. Х.Нямбаатарын ажил хэн нэгэн хөндлөнгөөс оролцохгүй байдалтай байгаа. шүүмжлэл, хов жив байж л байдаг” гэсэн хариулт өглөө. 

Б.Лхам