Засгийн газрын өнөөдрийн ээлжит хуралдаанаар хэд хэдэн томилгоо хийжээ. Үүний нэг нь ХЗДХ-ийн дэд сайд С.Баатаржавыг Монгол Улсаас Унгар улсад суугаа Онц бөгөөд Бүрэн эрхт Элчин сайдаар томилогдсонтой холбогдуулан ЗГХЭГ-ын дэд дарга Б.Солонгоог томилсон байна. 

Б.Солонгоо нь Оюутолгойтой хэлэлцээр хийх ажлын хэсгийн гишүүн бөгөөд ХЗДХ-ийн сайд Х.Нямбаатар ахалж ажиллаж байгаа билээ. 

Тэрбээр 1983 онд Улаанбаатар хотод төрсөн бөгөөд 2007 онд Унгар улсын Өөтвөш Лорандын шинжлэх ухааны их сургуулийн хууль зүй, улс төрийн шинжлэх ухааны сургууль төгсчээ. Мөн 2010 онд Их Британийн Дандийгийн их сургууль, 2015 онд АНУ-ын Харвардын хуулийн сургуулийг тус тус төгссөн. Эрх зүйч мэргэжилтэй бөгөөд англи, унгар хэлтэй. 

А.Сүх