Хоёр хоногийн өмнө АНУ-ын Коннектикат мужид нэгэн эмгэнэлт хэрэг гарсан байна. Пүрэв гаригийн шөнө 01 цагийн үед 44 настай Жеффри Гуилиано охиноосоо дуудлага авчээ. Охин Алексис Скокозза “Манай байшинд хулгай орсон байж болзошгүй байна” хэмээн аавдаа хэлсэн байна. Сэжигтэй мэдээ сонссон Жеффри Гуилиано гэрээсээ буугаа аван гарч хажууханд байдаг охиныхоо байшинлуу явжээ.

Хоёр хоногийн өмнө АНУ-ын Коннектикат мужид нэгэн эмгэнэлт хэрэг гарсан байна.

Пүрэв гаригийн шөнө 01 цагийн үед 44 настай Жеффри Гуилиано охиноосоо дуудлага авчээ. Охин Алексис Скокозза “Манай байшинд хулгай орсон байж болзошгүй байна” хэмээн аавдаа хэлсэн байна. Сэжигтэй мэдээ сонссон Жеффри Гуилиано гэрээсээ буугаа аван гарч хажууханд байдаг охиныхоо байшинлуу явжээ.

Тэрээр охиныхоо гэрийн үүдэн дээр тас хар өнгийн хувцас өмссөн, баг зүүсэн мөн гартаа мэс барьсан хүнийг харсан байна. Хар хувцастан барьсан зүйлтэйгээ түүнийг чиглэн ирэхэд өөрлүү нь дайрах гэж байна хэмээн бодож буугаа цэнэглэн буудсан аж.
Гэтэл хулгайчид андуурагдсан талийгч ЕБС-ийн багш Жеффри Гуилианогийн өргөмөл хүү 15 настай Тейлор байсан байна. 

“Буудуулж амиа алдсан хүүгийн гарт хутга байсан. Гэхдээ энэ нь морин цэргийн тоглоомон хутга байсан. Талийгч пүрэв гаригийн шөнө багтай үдэшлэгт орж байсан хэмээн таамаглаж байна” гэж мөрдөн байцаагчид мэдэгджээ.

Мөрдөн байцаагчид хэргийг маш няхуур шалгаж байна. Эцэгтээ хөнөөлгүүлсэн өргөмөл хүү, эцэг хоёрын дунд ямар нэгэн асуудал байсан байж болзошгүй хэмээн сэжиглэж байгаа аж. Хүүгийн цогцосын задлан шинжилгээ болон шүүх эмнэлгийн хариу маргааш гарах аж. Мөн тэд сэжигтэн Жеффри Гуилианогийн бууг өөрийнх нь өмч эсэхийг тогтооно хэмээн мэдэгджээ.