УИХ-ын чуулганы үдээс хойших нэгдсэн хуралдаан эхэллээ. Хуралдаанаар Монгол Улсын нэгдсэн төсвийн 2022 оны төсвийн хүрээний мэдэгдэл, 2023-2024 оны төсвийн төсөөллийн тухай хуульд өөрчлөлт оруулах тухай хуулийн төсөл болон хамт өргөн мэдүүлсэн Төсвийн тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг хэлэлцэж байна.

Н.Алтанхуяг: Төрийн санийн мөнгөний үлдэгдэл  төрийн өмчийн компаниудыг нийлүүлээд 5.8 их наяд байх ёстой байтал 1.4 их наяд байна гэж байна. Үлдсэн мөнгө нь хайчсан юм. энэ үнэн бол Ирээдүй өв сангийн мөнгийг идчихсэн байна.

Хоёрдугаарт, дөрвөн тэрбум төгрөг бүр УИХ-ын гишүүдэд байгаа юм уу. Тийм зүйл байгаа бол энэ мөнгөнөөс татгалзах хэрэгтэй.

Гуравдугаарт, төрийн байгууллага болон төрийн өмчийн компаниудад нийлээд 300 орчим мянган хүн байна. Энэ төрийн данхайсан бүтцийг багасгах зүйл байна уу. Энэ төсвийгбаталснаараа 600 сая ам.долларын зээлийг автоматаар авах юм байн гэж ойлголоо

Монгол Улсад Тогтворжуулалтын сан гэж байсан юм. Гэтэл төсвийн цоорхой нөхдөг болгоод идээд дууслаа. Ирээдүй өв сан дээр сангийн эх үүсвэрийг 2030 он хүртэл бусад зориулалтаар ашиглахыг хориглосон. Гэтэл мөнгөгүй болоод энэ мөнгөнөөс хэрэглэнэ гээд байгаа юм аа даа. Цар тахалтай холбоотойгоор энэ айлын бүх юм дууслаа. Ер нь юм үлдэх нь үү. Ирээдүй өв сан ирээдүйдээ зарцуулах мөнгө шүү дээ. Үүнийг хэрэглэж болохгүй.

Б.Жавхлан: Төрийн сан гэдэг нэгдсэн дансны тогтолцоонд ороод удаж байгаа. Төрийн сагийн төсөвт байгууллагуудын хаана нь илүүдэл байна дутаж байгаа талд нь эх үүсвэр хийгээд явдаг. Харин Ирээдүй өв санг хэдэн жилийн өмнөөс Төрийн сангийн эх үүсвэр талд нь ашигладаг зохицуулалттай болсон. Төрийн сан өчигдрийн байдлаар 5 их наяд 231 тэрбум 214.1 сая төгрөгийн төсөвт байгууллагуудын үлдэгдэл байна. Энд Ирээдүй өв сан 1.6 их наяд төгрөг. Мөнгөн үлдэгдэл 1.8 их наяд байна.

Тогтворжуулалтын сан бол анх гарахдаа таны хэлсэн шиг байсан. Хэдэн жилийн өмнөөс тухайн жилийнхээ алдагдал руу оруулаад нөхөөд явдаг хуультай болсон. Харин гишүүдэд 4 тэрбум төгрөг төсөвлөсөн зүйл байхгүй. Өөрсдийнхөө сонгогдсон тойрог, хөрөнгө оруулалтын эрэмбэ дараа дээр санал өгөх бүрэн эрхтэй. Нөгөө талаар, төсөв хязгаартай.

А.Сүх