Сангийн сайдаас 4 тэрбум төгрөг шантаажилсан гэх гэмт хэргийн шинжтэй мэдээллийг иргэнээс цагдаагийн багууллагад шалгуулахаар хүсэлт гаргаж, улмаар Сангийн сайд болон бусад хүмүүсээс мэдүүлэг аваад буй ч УИх-ын гишүүн асан МУГЖ С.Жавхлан мэдүүлэг өгөхөөс татгалзсаар байгаа нь хачирхалтай. 

Тодруулбал, цагдаагийн байгууллагаас түүний гар утас руу залгахаар утсаа авахгүй, мөрдөгч болон прокурорын дуудас хуудсыг хүлээж авахгүй хэмээн аргаа барсан өнгө аястай мэдээлж байсан юм. Хэрэв тэрбээр цагдаагийн байгууллагад ирж дээрх мэдээлэл үнэн эсэх талаар мэдүүлэг өгөхгүй бол эцсийн арга хэмжээ шүүхийн захирамжаар албадан ирүүлэх гэдгийг ч учирлаж, мэдүүлгээ өгөхийг С.Жавхлангаас хүссэн юм. 

Ер нь энэ үеэс эхлээд л иргэд дор бүрнээ тунгаасан биз ээ. Аль Жавхлангийнх нь хэлсэн үнэн бэ гэдэгт хариултаа олсон байх. 

Үүсээд буй эргэлзээг тайлахгүй мөртлөө бусдад дээрэнгүй хандана. Үндсэн хуульд зааснаар иргэд үг хэлэх, үзэл бодлоо чөлөөтэй илэрхийлэх, тайван жагсаал хийх эрхтэй ч түүний үйлдэл хэрээс хэтэрч үймээн самуун бий болгож болзошгүй нөхцөл байдал руу турхирч байна. Дуунд нь дуртай зон олныхоо итгэл дээр "тоглолт" хийж байгаа нь харамсалтай.

А.Сүх