МАН-ын бүлгийн хуралдаж байна. Бүлгээр хэлэлцэж байгаа асуудлын талаар УИХ-ын гишүүн Б.Энх-Амгалангаас тодрууллаа. 

“Төрөөс төмөр замын талаарх барих бодлогын асуудлыг хэлэлцэж байна. Баруун болон зүүн бүсийн төмөр зам, боомтуудыг холбосон төмөр замын асуудлыг идэвхжүүлнэ. Ойрын хугацаанд төмөр замын асуудлууд манай тээврийг идэвхтэй явуулах, эдийн засгийн эргэлтийг нэмэгдүүлэх чухал ач холбогдолтой.

Ер нь бүтээн байгуулалтыг төрийн оролцоотой хийх нь хурдан шийдэгдэж байна.

Тухайлбал, Зүүнбаян-Тавантолгой чиглэлийн 416 км төмөр замын бүтээн байгуулалт төрийн оролцоотой хийгдсэн. Үүний үр дүнд төмөр замыг хоёр жилийн хугацаатай тавьсан” гэлээ.

Түүнчлэн “Улаанбаатар төмөр зам” ХНН жил гаруйн хугацаанд даргагүй үйл ажиллагаа явуулсан. Улмаар хэд хэдэн хүнийг нэр дэвшүүлсэн ч Оросын тал “шаардлагад нийцээгүй” хэмээн зөвшөөрөөгүй билээ. Тэгвэл энэ асуудлаар тэрбээр “Сая ОХУ-ын Засгийн газрын орлогч ирсэн. Энэ үеэр уг асуудлаар ярилцсан юм байна лээ. Тохиролцоонд хүрсэн гэж ойлгосон. Нэр дурдагдаж байгаа хүн одоогоор байхгүй. Монголын талаас тавих байх гэж бодож байна” гэв.

А.Сүх