Оюутолгойтой холбоотой асуудлаар УИХ-ын гишүүн С.Ганбаатар байр сууриа илэрхийллээ. 

Тэрбээр "Монголын Засгийн газарт Рио-Тинтогоос удаа дараа захидал ирж байгаа нь сайны тэмдэг. Тэд мухардалд орсон байна. Үнэнд гүйцэгдсэн байна. Өнөөдөр Монголыг ийм давуу талтай нөхцөл байдлыг бий болгоход Монгол Улсын Ерөнхийлөгч асан Х.Баттулга том үүрэг гүйцэтгэсэн. Мөн одоо Ерөнхийлөгчөөр ажиллаж байгаа У.Хүрэлсүх, Ерөнхий сайд Л.Оюун-Эрдэнэ нар чухал үүрэгтэй оролцсон. Төрийн тамга барьсан хүмүүс монголынхоо төлөө байна гэдэг давуу талтай байдаг юм бэ гэдгийг бид мэдсэн. 

Рио-Тинтогоос гаргасан саналаас Монголын талын 34 хувийн өрийн 2.3 тэрбум ам.долларын 70 хувийг тэглэе гэж байгаа.

Монголын ард түмнээс баялгийг нь авахдаа үнэгүй авчихаад буцаагаад 34 хувийн хүүтэй зарна гэдэг өөрөө олон улсын хувьд луйвар юм. Үүнийг зөвшөөрсөн УИХ гэмт хэрэг хийсэн гэсэн үг. 

Энэ 34 хувийг бид үнэгүй авах биш өөрийнхөө баялагтаа тулгуурлаж үүнээс дээш хувиар тооцоолох ёстой байсан. 34 хувийг бид та нарт зээлээр өгсөн нь луйвар байж. Уучлаарай гэдэг үгийн цаана 700 сая ам.долларын өр үлдээд цаашид мөн адил хүүлнэ гэсэн үг. Үр хойчоо ингэж өрөнд оруулахгүй. Рио-Тинто ингэж доромжилсон, басамжилсан санал тавьж байгаа нь ядаж их юм. Бүр тоодог ч үгүй байсан юм" гэлээ.

А.Сүх