Долоо хоног бүрийн лхагва гаригт Засгийн газар хуралддаг. Өнөөдөр Засгийн газрын хуралдааны үеэр Ерөнхий сайд Л.Оюун-Эрдэнэ агаарын хилийн үйл ажиллагааг жигдрүүлж, аялал жуулчлалын салбарын үйл ажиллагааг сэргээхийг үүрэг болгов. Ингэхдээ ирэх сарын 1-нээс агаарын хилийн үйл ажиллагааг тогтворжуулах хэрэгтэй гэж үзжээ.

Мөн аялал жуулчлалын салбарыг сэргээх чиглэлд ч анхаарал хандууллаа. Гадаадаас ирэх жуулчид манай улсад ирээд вакцин хийлгэж болно гэдэг уриалгыг дэвшүүлнэ гэнэ. Тухайн улс оронд нь вакцин хүрэлцээгүй дараалал үүссэн бол манай улсад ирсэнийх нь төлөө үнэгүй вакцин хийж өгөх юм байна.