Маргааш буюу аравдугаар сарын нэгэнд УИХ-ын Намрын чуулган эхэлж, нээлтээ хийнэ. Чуулганы нээлтэд УИХ-ын дарга З.Энхболд үг хэлэх бөгөөд Ерөнхийлөгч Ц.Элбэгдорж АНУ-аас ирж амжвал мөн оролцох юм байна.
Маргааш эхлэх Намрын чуулганаар дараах асуудлыг хэлэлцэхээр төлөвлөжээ. Үүнд,

  - Монгол Улсын 2011 оны төсвийн гүйцэтгэл, Засгийн газрын 2011 оны санхүүгийн нэгдсэн тайлан,
  - Монгол Улсын Их Хурлын тухай болон Монгол Улсын Их Хурлын чуулганы хуралдааны дэгийн тухай хуулиудад өөрчлөлт оруулах тухай хуулийн төслүүд,
    - Хадгаламжийн даатгалын тухай хуулийн төсөл,
    - Хэвлэл мэдээллийн эрх чөлөөний тухай хуулийн төсөл
    - Үнэт цаасны зах зээлийн тухай хуулийн төсөл
    - Хүнсний тухай, Хүнсний бүтээгдэхүүний аюулгүй байдлыг хангах тухай хуулийн төслүүд
    - “Монгол Улсын хууль тогтоомжийг 2016 он хүртэл боловсронгуй болгох үндсэн чиглэл батлах тухай” Улсын Их Хурлын тогтоолын төсөл,
    - “Төрөөс мөнгөний бодлогын талаар 2013 онд баримтлах үндсэн чиглэл батлах тухай” Улсын Их Хурлын тогтоолын төсөл,
    - Монгол Улсын 2013 оны төсвийн тухай хуулийн төсөл,
     - Хүний хөгжил сангийн 2013 оны төсвийн тухай хуулийн төсөл
     - Нийгмийн даатгалын сангийн 2013 оны төсвийн тухай хуулийн төсөл
     - Бусад.