Хотын даргын нэгдүгээр орлогч буюу Хөгжлийн бодлого хариуцсан орлогч дарга Р.Чингисийг албан үүргээс нь чөлөөлөөд арав гаруй хонож байгаа. Одоогоор эзэнгүй байгаа уг албанд нийслэлийн Засаг даргын Хүний хөгжил, нийгмийн бодлогын асуудал хариуцсан орлогч дарга Ж.Сандагсүрэнг сэлгэн томилох бололтой.

Хотын даргын нэгдүгээр орлогч нь Нийслэлийн онцгой комиссын Шуурхай штабыг удирддаг билээ. Ж.Сандагсүрэнгийн хувьд өмнө нь уг албаг хашиж байсан бөгөөд НОК-ийн хийж хэрэгжүүлж байгаа ажил алба нь уялдаа холбоогүй, хариуцлагагүй байснаас түүний оронд Р.Чингисийг томилж, Ж.Сандагсүрэнг Хүний хөгжил, нийгмийн асуудал хариуцсан орлогч даргаар томилоод байсан юм. Нийслэлийн Засаг дарга бөгөөд Улаанбаатар хотын захирагч Д.Сумъяабазарын хувьд удирдлагын бүтцэд шинэ томилгоо хийхгүйгээр сэлгэн томилно гэж үзэж байгаа аж.

Б.Жаргал