УОК, НОК-оос урлаг, соёл, спортын үйл ажиллагааг нээж буйтай холбогдуулан мэдээлэл хийж байна. Энэ Ерөнхий сайд вакцинжуулалтын талаар тайлбар хийлээ.

-Вакцин Засгийн газрын гол ажил болоод зургаа орчим сар боллоо. Вакцинжуулалт өнөөдрийн төвшинд яваагүй бол багадаа 20-40 орчим мянган хүн нас барах эрсдэл байсан уу гэвэл энэ үнэн. Энэ талаар ДЭМБ-аас тодруулж болно. Вакцин дээр огт эргэлзэж болохгүй бөгөөд вакцинаас өөр гарц байхгүй. Өнөөдөр нөхцөл байдал амаргүй байна. Гуравдугаар тун зайлшгүй хэрэгтэй.

Өнөөдрийг хүртэл хөл хориогүй явж байгаа амжилтаа бататгахын тулд хэрэгтэй юм. Эдийн засгаа нээхийн тулд хэрэгтэй. Иргэн таны амь нас аюулгүй байхын тулд хэрэгтэй. Хүмүүс шүүмжилж байна. “Ковидгүй зун яасан бэ” гэж. Вакцинжуулалтанд хурдан хамруулахын тулд Ерөнхий сайд, Засгийн газрын аргаа барсан арга байсан. Нэг ч гэсэн иргэнийхээ амь насыг аврах гэсэн арга шүү дээ. Гэхдээ бид чадсан. Бид “Ковидгүй зун” байлгаж чадаагүй ч вакцинтай зун байлгаж чадсан. Вакцин дээрээ тулгуурлаж, хатуу хөл хориогүй зун байлгаж чадсан. Хичээл сургууль нь хаалттай улс орон олон байгаа. Гэхдээ бид есдүгээр сарын 1-нд вакцин байсан тулдаа хичээл сургуулиа тахимаар болон цахимаар хослуулж нээгээд явж байна.   

Б.Жаргал