Энэ долоо хоногт Монгол Улсын Төсвийн тухай хуулийн хоёр дахь хэлэлцүүлэг өрнөж байна. Энэ үеэр УИХ дахь АН-ын бүлгийн дэд дарга Н.Ганибал хуулиар бамбай хийж, хулгай хийдгээ зогсоохыг шаардлаа.

Тэрээр хэлэхдээ: “Бид сайхан зүйл ярьж байгаад хууль гаргачихдаг. Тэр дундаа жижигхэн заалтаар хулгай хийдэг. Батлагдсан хууль маань тухайн үед тавьсан зорилтоо хангаж чадахааргүй болчихдог. Иймэрхүү байдал зөвхөн энэ парламентын үед гараад байна уу эсвэл өмнө нь байж уу гээд судаллаа. Засгийн газар өөрсдийн зохиосон төсөвтөө тааруулж хууль өөрчилдөг буруу жишиг 11 жилийн өмнөөс эхэлсэн байна. Цаашид ийм байдлаар явах юм уу? Уг нь Засгийн газар УИХ-аас баталсан хуулийн хүрээнд төсвөө гаргаад орж ирэх үүрэгтэй шүү” хэмээн анхааруулав.