Хаан банкны хувьчлалтай холбоотой асуудалд Ч.Хүрэлбаатар тайлбар хийлээ.

-Төрийн мөнгийг байршуулж байгаа банкууд бодит мэдээлэл өгөх ёстой шүү. Үнэн байдлыг нь хэлэхээр ална, тална гээд байгаа эзэдүүд нь ёстой яршиг л байна. Банкны нэг эзэн нь 20 хувиас дээш гаргаж болохгүй гэсэн хуультай. Нэг банкны эзэн нөгөө банкиа худалдаж авах нь хуулиар хориотой. Монгол банкны ерөнхийлөгч Чуулган дээр тайлбарлахдаа “Бид таны хэлээд байгаа зүйлийг нягталж тодруулна” гэсэн. Энэ асуудал хуулийн байгууллагаар шалгагдаж байгаасай, шалгаж байгаа бол би баярлана. Шалгаад зүгээр байна гэвэл бүр сайн байна. Асуудал байна гэж үзвэл зогсоох ёстой. Хэрэв хууль зөрчигдсөн бол би зогсоохыг ч шаардана. Капитал банк гэхэд л 2014 он гэхэд дампуурсан байсан. Явуулаад байсаар таван жил болсон байхгүй. Энэ хугацаанд төрийн 300 гаруй тэрбум төгрөг хөндөгдсөн. Би “Чингис хаан банк”, “Төрийн банк”, “Үндэсний хөрөнгө оруулалтын банк” дээр төрийн мөнгө байлгаж болохгүй гэдэг бичиг өгөөд гурван жил болж байна.

Б.Жаргал