Засгийн газрын хуралдаанаас гаргасан шийдвэрийг танилцуулж байна. Энэ үеэр Шадар сайд С.Амарсайхан хийн хоолойн асуудлаар “ОХУ-аас Монгол Улсаар дамжуулан БНХАУ-руу татах байгалийн хийн хоолойн төслийн явцын талаар танилцуулжээ. Хийн хоолойн төсөл амжилттай урашилж байна. Манай улсын Ерөнхий сайд хойд ОХУ-ын Ерөнхий сайдтай өчигдөр хийн хоолойн төсөл болон хоёр улсын Засгийн газрын төлөвлөгөөний дагуу хэрэгжүүлэх төсөл хөтөлбөрийн талаар утсаар ярилцаж, мэдээлэл солилцсон. Өнгөрсөн нэгдүгээр сард тусгай зориулалтын компанийг монголд байгуулсан. Инженер, техникийн ажилтан нь монголд байнгын байршиж, техник, эдийн засгийн үнэлгээн дээр ажиллаж байна. БНХАУ-ын Эрээн хот-Замын-Үүд хүртэлх 960.5 км хийн хоолой татагдана. Сэлэнгийн Сүхбаатар, Хяагтын хилээр орж ирнэ. Өнөөдрийн байдлаар техник, эдийн засгийн үнэлгээ 70 хувьтай байна. Энэ онд багтаад техник, эдийн засгийн үнэлгээ дуусна.  2024 он гэхэд эхлэх боломж бүрдэнэ.