Засгийн газрын хуралдаанаас гаргасан шийдвэрийг танилцуулж байна. Энэ үеэр Сангийн сайд Б.Жавхлан мэдээлэл өглөө. Тэрбээр "Банкны хувьцаа эзэмшигчдийн хуралдаан олны нүдэнд ил явагдах ёстой. 100 хувь ил байна гэсэн үг. Бүх асуудлыг Төв банкнаас хянаж, олон нийтэд мэдээлж байх үүрэгтэй. Үүнээс гадна хувь эзэмшигчид хувьцаагаа зарж борлуулсан бол эцсийн эзэмшигчийг олж тогтоох ёстой юм. Мөн хуулийн хүрээнд Төв банк шалгаж, дараагийн хувьцаа эзэмшигчдэд заасан хууль байгаа эсэхийг мэдээлнэ” хэмээн хэллээ.