Азийн хөлбөмбөгийн холбооны Мэдээлэл харилцааны хорооны гуравд дахь удаагийн хурал цахимаар болж өндөрлөлөө. Хурлыг тус хорооны дарга, АХБХ-ны дэд ерөнхийлөгч А.Ганбаатар удирдан явуулсан юм. Тус хорооны өмнөх хурлаас дэлхий дахинд үүсээд буй цар тахлын нөхцөл байдлын улмаас АХБХ-ны мэдээлэл, харилцаа, сурталчилгааг нийгмийн сүлжээний олон талбарыг ашиглан эрчимжүүлэх шийдвэр гарсан бөгөөд хурал дээр дүгнэн хэлэлцэв. 2016 оны мэдээлэл харилцааны үйл ажиллагааг энэ оны есдүгээр сарын үр дүнтэй харьцуулахад хөлбөмбөгийн үзэгчид, дэмжигчдийн тоо эрчимтэй нэмэгдэж байгаа гэв. Тухайлбал, АХБХ-ны Facebook дагагчид 235%, Twitter дагагчид 282%, LinkedN сувгийн дагагчид 350%, Youtube сувгийн дагагчид 1128%, Instagram дагагчид 4710% тус тус нэмэгджээ. Ялангуяа вэб хуудсыг шинэчлэн хийж мандарин хэл дээр мэдээлэл оруулдаг болсноор Хятадын Weibo сүлжээний дагагчид ганцхан жилийн дотор 450000 гаруй тоогоор буюу эрс нэмэгдсэн байна.
