Малдивын экс ерөнхийлөгч Мохамед Нашид эрх мэдлээ хэтрүүлэн ашигласанд буруутгагдаж шүүх хурал нь тус улсын нийслэл Малэ хотноо өнөөдөр эхэллээ.

Малдивын экс ерөнхийлөгч Мохамед Нашид эрх мэдлээ хэтрүүлэн ашигласанд буруутгагдаж шүүх хурал нь тус улсын нийслэл Малэ хотноо өнөөдөр эхэллээ.

Түүнийг буруутгаж буй хэрэг өнгөрсөн нэгдүгээр сард шүүгчийг авилга авсан гэх хэргээр баривчлуулсанаас үүдсэн байна. 45 настай хүний эрхий төлөө тэмцэгч ерөнхийлөгч шүүх хурлаар буруутай нь тогтоогдвол доод тал нь гурван жилийн ял авах аж.

Хоёрдугаар сард албан тушаалаа огцорсон Мохамел Нашид өөрийг нь буруутгаж буй явдлыг улс төрийн явуулга хэмээн үзэж байна. Хэрвээ тэр яллагдах юм бол дараагийн Ерөнхийлөгчийн сонгуульд өрсөлдөх боломжгүй болох аж.

“Улс төр ийм байхад шударга ёс байх боломжгүй” хэмээн ерөнхийлөгч ярьсан байна. Түүний ардчилсан намын гишүүд нь тус улсын шүүхийн тогтолцоо шинэчлэгдэх хүртэл гаргасан ямар ч шийдвэрийг дагахгүй гэдгээ мэдэгджээ.

Ноён Мохамед Нашид өөрийг нь дэмжигч, шадар сайд Мохамед Вахидыг албан тушаалааснаас огцруулсан явдлыг мөн улс төрийн гар хөл болсон цагдаа нарын заналхийллээс улбаатай хэмээн гомдол гаргасан байна. Гомдлыг орон нутгийн шүүх хурал авч хэлэлцээд буцаасан бөгөөд “Мохамед Вахид ажлаасаан сайн дураар гарсан” гэж үзжээ.