18 настай дуучин Жастин Бибиер “Believe” аялан тоглолт өнгөрсөн бямба гаригт Аризона мужаас эхэлсэн юм. Харамсалтай нь түүний аялан тоглолт өвчнөөр эхэлж буй бололтой.

Гэдэсний эмгэг өвчтэй Жастин Бибиер Аризона мужийн Глендайл хотноо болсон тоглолтынхоо үеэр тайзан дээрээ бөөлжсөн байна. Гэвч тэрээр тоглолтоо үргэжлүүлэн дуусгажээ.

Тэрээр тоглолтын дундуур тайзыг хоёр удаа орхиж, үзэгчдээсээ уучлал хүсч, гэдэс нь өвдсөн талаар тайлбарласан аж.

Маргааш нь Жастин Бибер гэртээ амарч буй зургаа твиттертээ тавьж “Гайхалтай шоу. Маргаашийнх илүү сайн байна гэж найдъя. Та нартаа хайртай шүү” хэмээн бичжээ.