Монгол Улсад коронавирусний эсрэг вакцины III тунг 561 мянга иргэн хийлгэсэн бөгөөд энэ нь нийт хүн амын 17 хувийг эзэлж байна. Хэрэв энэхүү тунд хүн амын 50-аас дээш хувь нь хамрагдвал Өндөржүүлсэн бэлэн байдлын зэрэглэлийг бууруулах юм. НОК, УОК-оос III тунгийн дархлаажуулалтыг идэвхижүүлэх үүднээс албадлагын арга хэмжээ авч магадгүй гэнэ.

Юу гэхээр, Нийслэлийн Засаг дарга III тунгийн тарилгыг идэвхжүүлэх үүрэг даалгаврыг НЭМГ-ын даргад өгчээ. Тэрбээр “Вакцины III тунгаа хийлгээгүй төрийн албан хаагчдыг ажилд нь битгий ирүүл. Гэрт нь хөл хорионд оруул. III тунг хийлгэсэн бол л ажилдаа ир. Хатуухан арга хэмжээ ав” гэжээ.