Коронавирусын шинэ хувилбар омикрон улс орнуудад бүртгэгдсэнтэй холбоотойгоор Монгол Улсын онцгой комисс хуралдаж, дараах шийдвэрийг гаргалаа.

-Омикрон бүртгэгдсэн улс орнуудын иргэн, тэдгээр орноор зорчсон, дамжин өнгөрсөн гаднын иргэдийг Монгол Улс хүлээн авахгүй.

-Эдгээр орноор зорчсон, дамжин өнгөрүүлсэн өөрийн орны иргэдийг хүлээн авна. Гэхдээ арав хоног өөрсдийнх нь зардлаар тусгаарлана.

-Эрсдэлтэй бүс нутгаас ирж байгаа энхийг сахиулагчдыг арав хоног Цэргийн амралтад тусгаарлана.

-Монгол Улсын бүх хилийн боомт, шалган нэвтрүүлэх цэгүүдэд ажиллаж байгаа, зорчиж байгаа иргэдийг шинжилгээнд бүрэн хамруулна.

-Онцын шаардлагагүй бол иргэдийг гаднын улс оронд зорчихгүй байхыг хүсье.

С.Сүлд