Морин хуурын чуулга 20 насны төрсөн өдөртөө зориулж, 20 жил хамт байсан үзэгч, сонсогч нартаа зориулан олон ажлыг зохион байгуулаад байгаа юм.

Үзэгчдэд зориулан тоглолтын DVD, Best CD-гээ хэвлүүлж байгаа бол 20 жилийн түүхийг харуулсан баримтат кино, танилцуулга, зургийн цомог гээд олон сонирхолтой бэлгийг бэлтгэж байгаа аж. Харин тоглолтын тухайд аравдугаар сарын 9-нд буюу ирэх даваа гаригт Монголын хөгжмийн зохиолчдын хөгжим, 10-нд дэлхийн хөгжмийн зохиолчдын бүтээл, 12-нд хүндэтгэлийн гала тоглолт болно. Тасалбарын үнэ 20,000 төгрөг юм.