МАН-ын 30 дугаар их хурал болж байна. Энэ үеэр МАН-ын дарга, Ерөнхий сайд Л.Оюун-Эрдэнэ “МАН өнгөрсөн зууны тусгаар тогтнолоо дэлхий дахинд хүлээн зөвшөөрүүлэхийн төлөө зориулсан бол ирэх зуунд эдийн засгийн тусгаар тогтнол, бие даасан байдлын төлөө зориулагдана. Эдийн засгийн тусгаар тогтнол нь чинээлэг, дундаж давхаргад суурилсан гадаад худалдааны болон хөрөнгө оруулалтын хувьд аль нэг улсаас хамааралгүй, тогтвортой өсөлттэй, өсөлт нь хүртээмжтэй, олон тулгуурт эдийн засгийн бүтцээр баталгаажих учиртай. Импорт нь нэг боомтоос хамааралтай бодит үнэнийг бид бүхэн мэдэрч байна. Иймээс МАН-ын 30 дугаар хурлаа зургаан сэргэлт буюу “Шинэ сэргэлтийн бодлого” хэмээн нэрлэж байгаа юм. “Шинэ сэргэлтийн бодлого” нь “Алсын хараа-2050” урт хугацааны хөгжлийн бодлогын эхний 10 жилд зайлшгүй шийдвэрлэх шаардлагатай, Монгол Улсын хөгжлийг боймилж, хязгаарлаж буй хүчин зүйлийг цаг алдалгүй шийдвэрлэж, цар тахлын эдийн засгийн богино хугацаанд сэргээх зорилтод хөтөлбөр юм. Эдийн засгийн суурь багтаамжийг цаг алдалгүй тэлж чадвал Монгол Улсад нэг хүнд ноогдох дотоодын нийт бүтээгдэхүүнийг 10 дахин өсгөж, ядуурлыг тав дахин бууруулж, чинээлэг, дундаж давхаргыг 80 хувьд хүргэх зорилт бүрэн хэрэгжих үндэстэй" хэмээн онцлон хэлэв.