МАН-ын Их хурлын үеэр Хөдөлмөр, нийгмийн хамгааллын сайд А.Ариунзаяа нэгэн баярт мэдээ ирсэнийг хурлын төлөөлөгчдөд дуулгав. Тэрбээр “Өнөөдөр буюу арванхоёрдугаар сарын 6-ны даваа гаригийн өглөөний 08:30 минутад Монголын төрийг 44 жил, МАХН-ыг 40 жил жолоодсон нам төрийн зүтгэлтэн, Улсын баатар, хөдөлмөрийн баатар, Маршал Юмжаагийн Цэдэнбалыг хэлмэгдсэнд тооцож, цагаатгасан Шүүх хурлын тогтоолыг Сүхбаатар дүүргийн Иргэний хэргийн шүүхээс бидэнд гардууллаа. Энэхүү түүхэн баярт мэдээг МАН-ын 30 дугаар Их хурлын зочид төлөөлөгч, нийт Монголын ард түмэнд дуулгаж байгаадаа баяртай байна. Эрин зууны түүхэн элч, ард түмний хайртай удирдагч, Юмжаагийн Цэдэнбалын яруу алдар бадартугай. Түүний үйлс замналыг хойчийн үеийн монголчууд мартаж үл болно” хэмээн "Эрдэм судлалын Ю.Цэдэнбал академи"ийн Төлөөлөн удирдах зөвлөлөөс илгээсэн албан бичгийг уншиж сонордуулсан юм.

Б.Жаргал