МАН-ын Их хурал болж байгаа бөгөөд хурлын үеэр УИХ-ын гишүүн С.Батболд цаг үеийн асуудлаар сэтгүүлчдийн асуусан цөөн асуултад хариулт өглөө. Тэрбээр “Би 30 жилийн өмнө Монголын хамгийн том компаниудын нэгийг үүсгэн байгуулсан, бизнесмэн хүн. Нэг үгээр хэлбэл, төрд орохдоо өөрийгөө засаад, өрхөө засаад, бизнесээ хөгжүүлээд орсон улс төрч хүн. Би төрөөс төрсөн тэрбумтан биш. Бизнесийн удирдлага, компанийн үйл ажиллагааг хольж гаргаж байгаа нь нэг талаас зөрчилтэй буюу бизнесийг улс төртэй хутгаж байна гэж харж байна. Улстөрч Батболдын хувьд ийм үйл ажиллагаа байхгүй" хэмээн хэлэв.