МАН-ын Их хурал хоёр дахь өдрөө болж байна. Хурлын үеэр Монгол Улсын Ерөнхийлөгч асан Н.Энхбаяр үг хэлэв. Тэрбээр “Монгол Улс хүний эрх, эрх чөлөөг ярьж байна. Бид авлигатай тэмцэх тухайгаа ярьж байна. Л.Оюун-Эрдэнэ даргын хэлсэн үгийг дахин сануулъя. Монголчууд бусадтай адилхан ч, бас өөр. Монголчууд за гэж хэлсэн бол үүнийгээ андгай гэж үздэг. Бид ирэх жил Эзэн Чингисийнхээ 860 жилийн ойг тэмдэглэх гэж байна. Эзэн Чингисийн 1220 онд гаргасан зарлигаар Монголын нийслэл Хар хорум хотыгоо улсын чанартай хот болгон зарлаж байгаа нь бид түүхээ 100 жилээр боддог биш, 860 жил, мянга мянган жилээр боддог нам гэдгээ батлан харууллаа. МАН Эзэн Чингисийн үед заавал андгай гэж хэлж байсан зарчмын дагуу ам ба ажлын нэгдлээр амжилтад хүрнэ. Ам ба ажлын нэгдлээр шударга ёсыг тогтооно. Ам ба ажлаар хүний эрх, эрх чөлөөг тогтоож, хамгаалж чадна. Ам ба ажлын нэгдлээр авлигатай тууштай тэмцэж чадна. Бүгдээрээ эв нэгдэлтэй байя, шударга байя, эрч хүчтэй, цаг хугацаатай уралдая аа. Бид чадна. Бид монголоо дахин 100 жил хөгжлийн тусгаар тогтнол, эдийн засгийн тусгаар тогтнолыг авчирч чадна. МАН, МАХН мандугай, Монгол Улс, Монгол ард түмэн мандугай" хэмээн хэллээ.

Б.Жаргал