УИХ-ын Чуулганы нэгдсэн хуралдаан болж байна. Эн үеэр УИХ-ын гишүүн Д.Ганбат үг хэллээ. “Тэрбээр “Мэдээлэл ил тод байх ёстой. Гэхдээ хувь хүний мэдээлэл тодорхой хэмжээнд нууцлагдаж байх ёстой. Саяхан МАН-ын Их хурал боллоо. Ази тивд анх удаа байгуулагдсан нам гэж байна. Тэгээд 100 жил болсон юм байна. Улсдаа улс төрийн ууган хүчин гэжээ. Тэгэхэд долдугаар сарын 1-нд Солонгос улсад 13 настай охин хүүхэд зургаан цаг зодуулсан байгаа юм. Тэр мэдээлэл Солонгосын сонин дээр гарснаар л ил болж байна. Ийм байдалтай байна. 100 жил болсон намд, хурлаа хийсэнд нь, даргаа сольсонд нь баяр хүргэмээр байвч иргэний хувьд ичиж байна. Ази тивд анхны нам гээд цээжээ дэлдээд байдаг. Тэгэхэд ард түмний амьдрал хүнд байна. Тэр 13 настай хүүхдийн ээж уйлан дугарч хэлж байна. “Би тэр Солонгос улсад суугаа Элчин сайдын яамтай харьцахгүй, харьцах ч үгүй. Элчин сайд нь яаж томилогддог, ажилчид нь ямар байдгийг мэддэг учраас итгэлгүй байсан” гэж байгаа юм. Ийм нөхцөлд Солонгост ажиллаж байгаа ЭСЯ-ныхаа нөхддөө яаж хариуцлага тооцоод байгаа юм. Тийм зүйл ярихгүй байж, хувь хүний эрх, эрх чөлөө, мэдээлэл, авлигатай тэмцэнэ гээд аман дээрээ л яриад байх юм. Ард түмэн чинь зовж зүдэрч байна, ичиж байна. Зовж зүдэрч байгаа 13 настай охины өмнөөс хэн ч дугарахгүй, уучлал гуйхгүй байна. Ингэж болох юм уу нөхөд өө. Энэ дээр арга хэмжээ авах ёстой. Солонгос улсад суугаа Элчин сайдтай хариуцлага тооц, нэг бол гадаад харилцааны сайддаа хариуцлага тооц. Эсвэл Засгийн газар гарч ирээд ярь. Эсвэл Солонгос улсад очиж, ард иргэдийнхээ амьдралтай танилц” хэмээн хэлсэн юм.  

Б.Жаргал