Гадаад харилцааны яамнаас чиг үүргээ хангалтгүй биелүүлсэн Монгол Улсаас Бүгд Найрамдах Солонгос Улсад суугаа Элчин сайд Н.Эрдэнэтуяаг эгүүлэн татах саналыг Монгол Улсын Ерөнхийлөгч У.Хүрэлсүхэд өнгөрсөн баасан гарагт хүргүүлжээ. Ерөнхийлөгч зөвшөөрөх юм бол Аюулгүй байдал, гадаад бодлогын байнгын хороогоор хэлэлцэнэ. Улмаар дэмжвэл УИХ-ын чуулганы хуралдаанаар хэлэлцэж шийдвэрлэх юм. Түүнчлэн Гадаад харилцааны сайд Б.Батцэцэг бүрэн эрхийнхээ хүрээнд Пусан хотод суугаа Консул Ц.Өнөрзаяаг эгүүлэн татахаар шийдвэрлэсэн байна.

Консулын харилцааны тухай Венийн конвенцийн 5 дугаар зүйлийн 1 дэх хэсэг, Дипломат албаны тухай хуулийн 7 дугаар зүйлийн 7.1.5 дахь заалтын дагуу Дипломат төлөөлөгчийн газар нь суугаа улс болон хариуцсан консулын тойрогтоо Монгол Улсын иргэний эрх, хууль ёсны ашиг сонирхлыг хамгаалах үндсэн чиг үүрэгтэй.