Засгийн газрын хуралдаанаас гаргасан шийдвэрийг танилцуулж байна. Энэ үеэр Сангийн Сайд Б.Жавхлан хэлэхдээ “Нийслэл, дүүргийн ИТХ-ны ажлын албаны бүтэц, орон тооны хязгаар, аймгийн Засаг даргын тамгын газрын бүтэн орон тооны хязгаар, аймгийн ИТХ-ын ажлын албаны бүтэц, аймгийн сумдын ИХТ-ын ажлын албаны орон тооны хязгаарыг шинэчлэн тогтоолоо. Дунд болон дээд шатнаасаа төрийн албаны орон тооны хязгааруудыг шинэчлэн тогтоож байна. Мөн ирэх онд хийгдэх төрөөс төлөвлөгөөт хяналт шалгалтуудыг цөөлнө. Гэхдээ хяалт буурна гэж ойлгож болохгүй. Аль болох нүүр тулж, албадан газар дээр нь баримт дээр тулгуурлан, цахимд суурилсан эрсдэлд суурилсан зайнаас хяналт тавих бүтцийн шинэчлэл рүү түргэвчлэх шийдвэр гаргаж байна. Өөрөөр хэлбэл ирэх оны нэгдүгээр сараас эхлэн төрийн, УИХ, Засгийн газрын харьяа байгууллагууд, ялангуяа хяналтын чиглэлийн байгууллагаас зөвхөн хувийн хэвшил, иргэд рүү чиглэсэн хяналтыг 50 хувь цөөлөх шийдвэр гаргалаа. Оюу Толгойгоос ирсэн захидлын талаар хэлэлцлээ. Зарчмын хувьд дэмжиж, хүлээн авч байгаа. Энэ захидал дээр дурдагдсан асуудлууд дээр нэг бүрчлэн ажлын хэсэг задалж ярилцана" гэв.  

Б.Жаргал