Нас барсан, өндөр настны тэтгэвэрийн зээл авагчийн тэтгэвэрийн зээлийг чөлөөлөх тухай хуулийн төслийг өргөн барих гэж байна. Өнөөдрийн байдлаар Монгол Улсад 450 гаруй мянган тэтгэвэр авагч байгаа. Эдгээрээс хорвоогийн жамаар ертөнцийн мөнх бусыг үзүүлсэний дараа хэрэв энэ хүмүүс зээлтэй байсан бол тухайн зээлийг ар гэрийнхэн нь төлдөг байдлаар явж байна. Нас барсаны гэрчилгээгээ авахын тулд эхлээд зээлээ төлж байж авч байгаа учраас үүнийг чөлөөлөх хуулийн төсөл байгаа. Энэ анх удаа хийгдэж байгаа арга хэмжээ биш.

Ерөнхийлөгч асан Х.Баттулгын санаачилгаар тэтгэвэрийн зээлийн үлдэгдлийг тэглэж байсан. Нийтдээ 450 мянган зээл авагчийн 240 мянган тэтгэвэр авагчийн 760 гаруй тэрбум төгрөгийг тэглэсэн байгаа. Зургаа хүртэлх сая төгрөгийн зээл. Мөн тэтгэвэрийн зээлгүй байсан 210 гаруй мянган тэтгэвэр авагчид нэг сая төгрөг олгосон. Нийтдээ 900 гаруй тэрбум төгрөгийн асуудлыг төр шийдэж өгсөн. Монгол Улсад өнөөдрийн байдлаар бүрэн тэтгэвэрийн доод хэмжээ бол 350 мянга, хувь тэнцүүлсэн тэтгэвэрийн хэмжээ 300 орчим мянга байгаа. Тэгэхээр юмны үнэ өссөн энэ үед тэтгэвэр хаанаа ч хүрэхгүй байна. Энэ асуудлыг шийдэх хүрээнд энэ хуулийн төсөл боловсруулагдаж байгаа.

Насаараа нийгмийн даатгалын шимтгэлийг цаг тухайд нь төлчихөөд маш бага хугацаанд тэтгэвэр авч байна. Ийм асуудал байвал үүнийг шийддэг хуулийн төсөл байгаа. Тэтгэвэрийн зээл тэглэснээс хойш 71 мянга орчим тэтгэвэр авагч 90 орчим тэрбум төгрөгийн зээл дахиад авсан байна. Энэ хүмүүс яагаад зээл авч байгаа гэхээр амьдралд нь тэтгэвэрийн 350 мянган төгрөг хүрэлцэхгүй байна. Энэ хүмүүсээс тодорхой хувь нь  бурхны оронд явж байгаа үед нь ар гэрийнх нь хүндрэлийг чөлөөлж, тэтгэвэрийн зээлийг нэг удаа чөлөөлдөг хуулийн төсөл байгаа.

Б.Жаргал