УИХ-ын чуулганы нэгдсэн хуралдаан болж байна. Энэ үеэр УИХ-ын гишүүн Н.Алтанхуяг үг хэлэв. Тэрбээр Ардчиллын баатар Э.Бат-Үүлийг өчигдөр шууд шоронд хорьж байна. Бүгдээрээ шаагилдаад хууль, шүүхийн өмнө тэгш эрхтэй гэх байх. Угаасаа тийм байх ёстой. Гэхдээ манай улсад хууль, шүүх гэдэг чинь юу болчихсон юм. Шударга бусын хонгил нь хэвээрээ байгаа юм шиг. Энэ зүгээр хүн биш, Ардчиллын лидер хүн. Сүүлийн үед Ардчиллын нэр хүндийг унагаах, Ардчилсан намыг үгүй болгох оролдлогоо зогсоохгүй юм уу. УИХ дээр ажлын хэсэг байгуулаач. Д.Зүмбэрэллхам гэж уначихсан хүнийг та нар оруулж ирээд явуулсаар байгаад Шүүхийн Ерөнхий зөвлөлийн дарга болгочих юм. Ингэвэл шударга ёс тогтохгүй. Хүмүүсийн шүүхэд итгэх итгэл нь алдарна. Улсаа гадныхантай нийлж зарчихсан зартай дээрэмчид цаана чинь зүгээр явж байна. Яагаад ийм ялгавартай байдаг юм. Яагаад Ардчилсан намыг арчих гээд байгаа юм. Танай намд байгаа газрын баялаг дээрэмдсэн хэдэн хулгайч нарын зохион байгуулж байгаа ажил шүү. Э.Бат-Үүл дээр нэг шийдвэр гаргаж өгөөч. Би шүүхэд нөлөөлөхгүй. Хавтат хэргийн материалтай нь танилцая. Өмгөөлөгч гаргаж өгье. Энэ нэг намын асуудал биш. Монголын ардчиллын асуудал.

Б.Жаргал