Монгол Улсын Ерөнхийлөгч У.Хүрэлсүх ОХУ-д айлчилж, тус улсын ерөнхийлөгч В.В.Путинтэй албан уулзалт хийж байна. Ерөнхийлөгч У.Хүрэлсүх уулзалтын үеэр хэлсэн үгэндээ “В.В.Путин тантай дахин уулзаж байгаадаа баяртай байна. Монгол Улсын Ерөнхийлөгчөөр сонгогдсны дараах анхны айлчлалаа ОХУ-д хийж, анхны уулзалтаа тантай хийж байгадаа баяртай байна. Хүн төрлөхтөн цар тахалтай энэ хүнд цаг үед хоёр орны харилцаа тогтоосны 100 жилийн ой, түүхэн арга хэмжээнд хүндэтгэл үзүүлж, төрийн дээд хоёр улсын Ерөнхийлөгчийн айлчлалыг зохион байгуулсан эрхэм хүндэт Ерөнхийлөгч танд талархал илэрхийлье. Манай хоёр орны ард түмэн дайны цаг үед хамт байсан, энх цагийн бүтээн байгуулалтын үед ч хамт зүтгэж, хамтарч ажилласан, нөхөрлөсөн. Та бид хоёрын уулзалтын өмнө Засгийн газар хоорондын уулзалт болсон. Хоёр орны өмнө нь яригдаж байсан, олон жил шийдэгдээгүй байсан аж ахуйн асуудлууд шийдэгдсэн гэж ойлгож болно. Цаашдаа хамтын ажиллагаагаа улам шинэ төвшинд гаргаж, улам хөгжүүлэхийн шинэ цаг ирж байна гэж ойлгож байгаа. Бидний өмнө тулгамдаад байгаа нэг асуудал нь худалдаа хамтын ажиллагааг эрчимжүүлэх асуудал байна. Ерөнхийлөгчөөр сонгогдоод орж ирэхдээ транзит монгол болох зорилтыг дэвшүүлсэн. Ази, Европыг холбосон өргөн уудам орон зайд монголчууд оршин тогтнодог. Өчигдөр БНХАУ-ын даргатай хийсэн таны зөвлөгөөн маш амжилттай болсонд танд баяр хүргэе. Дээр нь Орос, Хятад, Монголыг холбосон хийн хоолойн асуудал амжилттай явж байгаад талархаж байна. 2019 онд би Ерөнхий сайд байхдаа айлчлах үеэрээ тантай энэ асуудлыг шийдвэрлэсэн, энэ ажил маш урагштай яваа” хэмээн онцлон хэлэв.