ОХУ-ын ерөнхийлөгч Владимир Путины урилгаар Монгол улсын Ерөнхийлөгч У.Хүрэлсүхийн ОХУ-д хийсэн айлчлал амжилттай өндөрлөсөн. Энэхүү айчлалыг УИХ-ын гишүүн Д.Өнөрболор юу гэж дүгнэснийг хүргэе. Тэрбээр “Айлчлал хоёр орны өнгөрсөн 100 жилийн харилцаа хамтын ажиллагааг бүхэлд нь дүгнэж үнэлэлт дүгнэлт хийж, Монгол Оросын харилцааны шинэ зууны эхлэлийг тавьсан, хамтын ажиллагааны зорилго зорилтоо тодорхойлж, хамтран хэрэгжүүлэх төсөл хөтөлбөрүүдийг харилцан ашигтай байдлаар, өргөн хүрээнд, дэлгэрэнгүй санал солилцож, ойрын хэдэн жил болоогүй улс төрийн өндөр ач холбогдолтой түүхэн айлчлал болов” хэмээв.

Айлчлалын хүрээнд:

Монгол-Орос-Хятадын эдийн засгийн коридор байгуулах асуудлыг хөндөв.

Төмөр замын шинэчлэлийг эрчимжүүлж Улаанбаатар төмөр зам нийгэмлэгийн зээлийн асуудлыг шийдвэрлэж, суурь бүтцийг шинэчилж, босоо тэнхлэгийн төмөр замын коридор байгуулах асуудлаар ярилцав.

Хилийн боомтуудын нэвтрэх чадварыг сайжруулахаар болж, Алтанбулаг- Хиагтыг дамнасан бүс байгуулж, хоёр талдаа ашиг өгдөг эдийн засгийн Боомт болгохоор тохиролцов.

Бүс нутагт өрнөж буй худалдаа үйлдвэрлэл эдийн засаг цэргийн асуудлаар хамтарсан тунхаглалыг гаргав.

Хөдөө аж ахуйн салбарын хүрээнд Монгол мал-3 хөтөлбөрийг хэрэгжүүлж малаа эрүүлжүүлэх, вакцинжуулах чиглэлээр хамтын ажиллагааг үргэлжлүүлэхээр болов.

Шатахууны тогтвортой ханган нийлүүлэлтийг хангаж, хомсдол үүсэхгүй байх тал дээр тохиролцов.

Монгол улсын шинэ нисэх онгоцны буудалд хамтарсан компани байгуулахаар болов.

Гурван улсыг холбосон хурдны авто замын коридор байгуулах асуудлыг хөндөв.

ОХУ-аас Монгол улстай Эрчим хүчний салбарт цөмийн эрчим хүчийг ашиглах судалгааны төв байгуулахаар тохиролцов.

Хоёр орны харилцаа хамтын ажиллагааг шинэ шатанд гаргасан айлчлал болов.