УИХ-ын чуулганы нэгдсэн хуралдаан болж байна. Чуулганаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээр (Улаанбаатар хотын тогтвортой авто зам, тээвэр төсөл)-ийг соёрхон батлах тухай хуулийн төслийг хэлэлцэж байна. УИХ-ын гишүүн С.Амарсайхан үг хэлж, асуулт асуулаа. Тэрбээр “Улаанбаатар хот үндсэндээ 2020 он хүртэл ерөнхий төлөвлөгөө, 2030 он хүртэл хөгжлийн чиг хандлагын баримт бичиг боловсруулж, 2013 онд батлуулсан. Удахгүй УИХ-аар оруулж, 2040 он хүртэлх хөгжлийн төлөвлөгөөгөө батлуулахдаа дэлгэрэнгүй танилцуулж байж цаашид Улаанбаатар хот хөгжих боломж нь бүрдэнэ. Дагуул хотууд, шинэ сууршилын бүсүүдээ байгуулах, зөвхөн зам барьсанаар бүх асуудал шийдэгдэхгүй. Зам бол мянган асуудлын нэг нь. Үүний хажуугаар орон сууцны хотхон, хот төлөвлөлтөө сайжруулах, хүний эрүүл аюулгүй орчинд ажиллаж, амьдрах, хүн төвтэй бодлого нь бүрдэж байгаа. Үүнийг Д.Сумъяабазар дарга дорвитой эхлүүлээд явж байгаа.

Б.Жаргал