Нийслэлийн Засаг дарга бөгөөд Улаанбаатар хотын захирагч Д.Сумъяабазар өөрийн цахим хаягтаа цалингийн талаар тайлбар бичжээ. Тэрбээр “Үнийн өсөлтөөс үүдсэн эдийн засгийн зохицуулалт хаанаа ч хүрдэггүй. Иргэдийн амьдралыг төр өөрөө шахаанд оруулж байгаа. Тиймээс эхний алхмуудыг эрх зүйн зохицуулалтаар хийсэн. Эхний удаад цалин 50-55 хувиар нэмэгдэх боломж бүрдэж байна. Яваандаа төрийн албан хаагчийн цалин 100 хувь нэмэгдэнэ гэдгийг амалсан” хэмээлээ. Нийслэл Улаанбаатар хотын эрх зүйн байдлын тухай хуулийг 27 жилийн дараа шинэчлэн баталсан. Уг хуулийг хэрэгжүүлснээр нийслэл хот бие даасан санхүүгийн байдлыг хангах боломжтой гэж үзээд байгаа. Тэгвэл хууль хэрэгжиж эхэлснээр 48 мянга гаруй төрийн албан хаагчийн цалин нэмэгдэх юм байна.

Т.Мөнхжаргал