УИХ дахь  МАН-ын бүлгийн хуралдаан болж, гарсан шийдвэрийг танилцууллаа. Энэ үеэр МАН-ын бүлгийн дарга Д.Тогтохсүрэн тэтгэврийн талаар тайлбар хийв. Тэрбээр “Тэтгэврийн тухай хуулинд эмэгтэй 55 настай, эрэгтэй 60 насандаа тэтгэвэрт гарна гэж  заасан. Харин үүнийг сунгаад зургаан сараар дараа тэтгэвэрт гарч болно. Тэтгэвэрийн зөрүү, тэтгэврийн нэмэгдэлтэй холбоотой асуудал яригдаж  байгаа. Энэ нь хуультай холбоогүй асуудал. Цэвэр санхүүгийн чадавхтай холбоотой асуудал байгаа юм. Улсын төсвөөс их хэмжээний мөнгө гардаг ийм зүйл. Өнөөдөр нийгмийн даатгалын сан алдагдалтай байгаа. Бид 2022 оны төсвөө батлахдаа нийт 2,8 их наяд төгрөгөөр нийгмийн даатгалын санг баталсан. Үүний 800 гаруй тэрбум төгрөг нь улсын төсвөөс өгч байгаа татаас. Үндсэндээ хоёр орчим их наяд төгрөгийн нийгмийн даатгалын шимтгэл цуглуулж, түүнийхээ 1,3 орчим их наяд төгрөгийг тэтгэвэрт өгч байна. Ийм алдагдалтай сантай нөхцөлд тэтгэвэрийн зөрүү арилгаад, дээр нь тэтгэврийг нэмэх асуудал санхүүгийн чадавхтай холбоотой. энэ бол хууль эрхзүйн шинэчлэлтэй холбоотой асуудал биш гэж үзэж байгаа. Цаашид санхүүгийн эх үүсвэр бололцоотой болсон үед тэтгэврийн хэмжээг нэмэгдүүлэх, зөрүү арилгахад анхаарахаас өөр аргагүй хэмээн бүлэг үзэж байгаа” гэлээ.

Д.Батчулуун