Эдийн засгийн байнгын хорооны хуралдаан болж. Хуралдаанаар “Эрүүл мэндээ хамгаалж, эдийн засгаа сэргээх арван их наядын цогц төлөвлөгөө”-ний хэрэгжилтийг хэлэлцэж байна. Энэ үеэр УИХ-ын гишүүн Ж.Бат-Эрдэнэ үг хэлж, асуулт асуулаа. Тэрбээр “Эдийн засгаа хамгаалах 10 их наяд төгрөгийн хөтөлбөр хэрэгжээд явж байна. Танилцуулгаас харахад хоёр их наяд төгрөг гарсан бололтой юм. Бодлогоо Засгийн газар, Сангийн яам барьж байна уу, мөнгө олгож байгаа, бололцоог нээсэн Монгол банк барьж байна уу. Хараад байхад Монгол банк барьж байх шиг. Эдийн засаг талаас нь хармаар байна. Цаашид жижиг, дунд үйлдвэрлэлээ хөгжүүлэх, аж ахуй нэгжээ дэмжих, ажлын байраа нэмэгдүүлэх ажил хийх боломж, бололцоог олгох тал руу энэ зээл явах уу. Залуусын хөдөлмөрт бэлтгэх сургалт гээд 500 тэрбум төгрөг тавьчихсан байна. Энэ яг ямар сургалт явсан бэ. Хүнд хэцүү энэ цаг үед сургалт явуулах нь зөв үү, арай өөр байдлаар дэмжих нь зөв үү. Хөдөө аж ахуйн зээл дээр 500 тэрбум төгрөг тавьсан. Энэ зээл хаана явж байгаа нь мэдэгдээгүй, хэн авч байгаа нь мэдэгдээгүй” гэв.

Б.Жаргал