Засгийн газрын ээлжит хуралдаан болж, хуралдаанаас гарсан шийдвэрийг таницууллаа. Энэ үеэр Ерөнхий сайдын хэвлэлийн төлөөлөгч Ч.Болортуяа мэдээлэл өглөө. Тэрбээр “Ерөнхий сайд Омикрон хувилбартай холбоотойгоор гадаадаас ирж буй иргэдийн тандалт судалгааг эрчимжүүлэх, вакцины гуравдугаар тунд хамрагдаад гурван сар болсон иргэдийг дөрөвдүгээр тунд сайн дурын үндсэн дээр зохион байгуулах, цар тахлын эсрэг хариу арга хэмжээний баг буюу эрүүл мэнд, онцгой байдлын албан хаагчдыг дөрөвдүгээр тунд хамруулахыг үүрэг болголоо. Мөн Хөшигийн хөндийн чөлөөт бүс байгуулах УИХ-ын тогтоолын төслийг дэмжих нь зүйтэй гэж Засгийн газар үзлээ. Түүнчлэн Улаанбаатар-Дархан чиглэлийн авто замын бүтээн байгуулалтын ажлыг 2023 оны аравдугаар сараас хэтрүүлэхгүй дуусгах үүрэг чиглэл өглөө. Мөн төрийн албаны хүнд сурталыг бууруулах хүрээнд 11:11 төвийг Ерөнхий сайд өөрийн ажлын албаны дэргэд шилжүүллээ" гэв.