УИХ-ын нэгдсэн чуулган эхэллээ. Энэ үеэр УИХ-ын гишүүн Н.Алтанхуяг үг хэллээ. Тэрбээр “Хэлэлцэх асуудалд нэг асуудал оруулах гээд гурван дахь удаагаа хэлж байна. Энэ нь Ц.Мөнх-Оргил гишүүний толгойлсон  хаврын өлсгөлөнгийн үеэр байгуулагдсан төрийн албаны албан байгууллагууд хууль зөрчиж байгаа асуудлыг УИХ дээр ярилцъя. Их хурлын даргын захирамжаар ажлын хэсэг байгуулъя гэж ярилцаж байсан. Гэсэн ч энэ нь хойшилсоор байна. Үүнийг дахин хэлэлцэх асуудалд оруулж өгөөч хэмээн санал гаргаж байна.

Арванхоёрдугаар сарын 31-ны өдөр Ардчилсан намын асуудлаар Дээд шүүх шийдвэр гаргасан. Энэ шүүх оройтож, үнэнд гүйцэгдэж гарч байгаа ч 20 гаруй шүүгчдэд баярлаж байна. Учир нь хоёр нам гэж байхгүй гэдгийг тогтоосон. Ардчилсан намын дүрмийн хороо, Сонгуулийн хороо, Үндэсний бодлогын хороо бүгд хүчинтэй гэдгийг зөвшөөрсөн. Харин намын даргыг өмнө нь бүртгээгүй учир бүртгэхгүй гэж үзсэн байна.  Дээд шүүх ийм байдалтай шийдвэр гаргасан ч гэсэн УИХ-ын захирамжаар байгуулагдан ажлын хэсэг, Ц.Мөнх-Оргил гишүүнээр ахлуулсан энэ ажлын хэсгийн асуудлыг заавал хэлэлцэх хэрэгтэй.

МАН дотор байгаа мөнгөтэй бүлэглэл хулгай луйвар хийж байгаа. Танайхны зарим гишүүдийн тавьсан хүмүүс төрийн  байгууллагаар тоглож байна. Ялангуяа хэний ч халдаж болохгүй хоёрхон улс төрийн намын нэгийг хоёр тамгатай болгож тоглосон. Тэгэхээр энэ бүртгэлийн байгууллагаар тоглож байгаа асуудлыг шийдэх хэрэгтэй байна” гэлээ.

Д.Батчулуун