Холбооны эрх зүйн байдлын тухай хууль болон уг хуулийн төсөлт холбогдуулан боловсруулсан бусад хуулийн төслийг хэлэлцэж байна. Энэ үеэр УИХ-ын гишүүн Г.Тэмүүлэн үг хэлж асуулт асуулаа. Тэрбээр “Өнөөдөр мөрдөгдөж байгаа Үндсэн хуулийн 10 дахь хэсэгтэй зөрчилдөж байгаа асуудал гарч байна. Үндсэн хуулинд зааснаар сайн дураараа эвлэлдэн нэгдэх эрхтэй гэж зааж өгсөн. Тэгэхээр Монгол Улсын иргэн байсныхаа төлөө Үндсэн хуулинд олгогдсон эрхээ хязгаарлуулах тогтоол орж байна гэж харж байна. Мэргэжлийн холбоодуудыг Засгийн газар сонгон шалгаруулдаг болох юм байна. Засгийн газар хамтран ажиллах асуудлаа шийддэг болох юм байна. Нэг талдаа төрийн шууд оролцоо үүгээр бий болж байна. Үндсэн хуулийн зөрчлийн асуудал бий болж байна. Иргэний нийгэм, иргэд, хуулийн этгээдийн эрхэд шууд халдаж байгаа асуудал болж байна шүү. Иргэдийн эвлэлдэн нэгдэх баталгааг бид хангах ёстой. Гэтэл эсрэгээрээ эрхийг нь хааж, боож байгаа зүйл заалт орж байгаа нь холбооны тухай хууль болоод төрийн байгууллага, иргэдийн эвлэлдэн нэгдэхийн эсрэг шууд заалт болж байна.

Б.Жаргал