Холбооны эрх зүйн байдлын тухай хууль болон уг хуулийн төсөлт холбогдуулан боловсруулсан бусад хуулийн төслийг хэлэлцэж байна. Энэ үеэр УИХ-ын гишүүн Г.Мөнхцэцэг үг хэлж, асуулт асуув. Тэрбээр “2017 оны байдлаар Монгол Улсын хэмжээнд 17.685 төрийн бус байгууллага бүртгэгдсэн юм байна. Үүний 8578 нь үйл ажиллагаа явуулж байгаа гэсэн тоо байна. Дээр нь 34 төрийн бус байгууллага удирддаг хүн байдаг юм байна. Энэ мэт зөрчлийг зохицуулахын тулд энэ хуулийг агуулга талаас нь дэмжиж байгаа. Энэ хуулинд дэмжлэг үзүүлэх ёстой гэж харж байна. Дээрх бүртгэлтэй 8578 төрийн бус байгууллагаас хамгийн тогтвортой үйл ажиллагаа явуулдаг нь уран бүтээлийн нэгдсэн холбоод гэж үзэж байна. Тухайлбал, Зохиолчдын эвлэл гээд байгууллага байна. Уран бүтээлийн тогтвортой үйл ажиллагаа явуулж байгаа байгууллагыг дэмжих ямар заалт орж байгаа вэ.  

Б.Жаргал