АН-ын УИХ дахь Бүлгээс мэдээлэл хийлээ. Энэ үеэр АН-ын гишүүн С.Эрдэнэ тайлбар хийхдээ “Асуудалд орооцолдсон АН-ын нэр бүхий гишүүд, холбогдох хүмүүсийг хамтарсан ажлын хэсэг гарч, эдгээр хүмүүстэй холбоотой асуудлыг хууль хяналтын байгууллагаар шалгуулах, дотоод хяналтын байгууллагынхаа шугамаар энэ асуудлыг шалгах, гэм буруутай бол хуулийн хариуцлага хүлээлгэнэ, гэм буруугүй бол олж тогтоож, нэр төрийг нь сэргээх ажилд АН өнөөдрөөс эхлэн орж байгаа. Энэ асуудлаар ажлын хэсэг гарна. Өнгөрсөн хугацаанд АН-аас төрийн өндөр албан тушаал хашиж байсан хүмүүс авлига, хээл хахуулийн асуудалтай орооцолдож байсан гишүүдийн асуудлыг хууль хяналтын байгууллагатай хамтран шалгаж, эцэслэн шийдвэрлэх шийдвэрийг АН гаргасан. Ингэснээр АН ард түмний өмнө хүлээж байгаа шударга ёс, хариуцлагын асуудлыг хуулийн хүрээнд эцэслэн шийдвэрлэх боломжийг бүрдүүлж чадна гэж харж байна. Хууль хяналтын байгууллага ил тод болсон зарим хэргийг шалгадаггүй. Яаж байгаа нь мэдэгдэхгүй, таг дардаг. АН өөрөөсөө эхлүүлье гэдэг асуудлыг өчигдөр шийдэж, удахгүй хуралдах АН-ын Үндэсний бодлогын хорооны хуралдаанаар энэ асуудлыг оруулж, тогтоол болгож гаргана. АН-ын үйл ажиллагаа хэвийн байгаа.

Б.Жаргал