АН-ын УИХ дахь Бүлгээс мэдээлэл хийлээ. Энэ үеэр АН-ын гишүүн О.Баасанхүү хэлсэн үгэндээ “Улсын бүртгэлийн тогтоол шийдвэрийг шийдэх гэж байгаатай холбогдуулан шүүхэнд нөлөөлөх зорилгоор илт хууль бус мэдээллийг олон нийтэд түгээж байгаа. Тухайлбал, Шүүх хурал хийх гэж байхад Сүхбаатарын талбайд өмнө нь өлсгөлөн зарласан. Уг асуудлаар ажлын хэсэг гарсан байгаа. Энэ асуудлаар УИХ-ын гишүүнийхээ бүрэн эрхийг ашиглах байдлаар хуралдааны өмнө 5 минут авдаг хугацааг ашиглаад тодорхой төрийн албан хаагчид руу, Хараат бусаар ажилладаг Сонгуулийн ерөнхий хороо руу, нэр бүхий хүмүүс рүү улайран дайрсан үйлдэл гарлаа. О.Цогтгэрэл гэдэг хүн гэрчилгээнд өөрчлөлт оруулах хүсэлт гаргахад тэрийг зөвшөөрөхгүй гэсэн шийдвэр гаргасан байна. О.Цогтгэрэлтэй нийлсэн хүмүүс татвараа үргэлжлүүлэн төлөх боломжгүй байгаа. Яагаад гэвэл тэдэнд данс байхгүй. Сөрөг хүчний хувьд бидэнд шийдэх ёстой олон асуудал байна. Манай намаас сонгогдоод Ерөнхийлөгчийн алба хашиж байсан Халтмаагийн Баттулгатай холбоо бүхий зарим хүн түүнд барьцаалагдсан байх магадлалтай талтай. Учир нь Улсын ерөнхий прокурорын газрын Жаргалсайхан, Дээд шүүхийн шүүгч Ганзориг нар хуучин Ерөнхийлөгчийн томилсон хүмүүс" хэмээн онцлов. 

Б.Жаргал