УИХ-ын Баасан гаригийн нэгдсэн чуулган эхэллээ. Хуралдаанаар Иргэдийн сурч боловсрох эрхийг хангах, хичээл, сурлагын хоцрогдлыг нөхөх, арилгах арга хэмжээний талаар хэлэлцэж байна. Энэ үеэр УИХ-ын гишүүн Ц.Туваан үг хэллээ. Тэрбээр “Монгол улсын хүн ам, Засгийн газрын боловсролын салбарт Эрүүл мэндийн салбар нэгдүгээрт, Боловсролын салбар хоёрдугаарт байх ёстой гэж боддог. Ингэснээр улс орны дараагийн хөгжил, хүний эрүүл мэнд яригдах байх гэж бодож байна. Тэгэхээр боловсролын тухай өнөөдрийн асуудал чухал байна. Төсөв батлах үеэр үр дүнд суурилсан, өөрөөр хэлбэл боловсролыг чанартай сургаж чадсан багш нарыг урамшуулах чиглэлд 80 гаруй тэрбум төгрөгийн төсөв шийдэж өгсөн. Хэрэгжиж эхэлсэн үү? Тухайлбал, Төв аймгийн сумуудад дунд сургуулийн хүүхдийн тоо 30 дахин нэмэгдэж байна. Гэсэн ч багш нар хивэндээ байна. Иймээс багш нарыг хүүхдийн тоотой нь уялдуулах хэрэгтэй. Нэг хэсэг боловсролын салбар болж байна гэж ярьж байсан. Харин одоо л зөв ярьж байна. Шийдэх олон асуудал бий. Багш нарын нийгмийн асуудлыг шийдэхгүйгээр үр дүн хүлээгээд хэрэггүй. Багш нар ч бас хүн. Багш нарын чанар, чадавхыг мөн дээшлүүлэх хэрэгтэй. Нөгөө талаар сургуулийн бүх ажилчдыг гэрээт болгох асуудал яригдаж байсан. үүнийг шийдсэн үү? Мөн хөдөө орон нутагт хүүхдийг зургаан настай сургуульд оруулснаар гэр бүл салалт нэмэгдсэн. Үүнд зохицуулах бодлогын гарц, гаргалгаа байгаа юу? Хөдөө орон нутагт залуучуудтай гэрлэх эмэгтэйчүүд цөөрсөн.  Боловсролын багц хуульд хүүхдийн эрүүл мэндтэй холбоотой асуудлыг шийдэх хэрэгтэй” гэлээ.