Хууль зүйн байнгын хорооны хуралдаан болж байна. Энэ үеэр УИХ-ын гишүүн Ц.Туваан гишүүн үг хэлж, асуултад хариуллаа. Тэрбээр “Би өмнө нь ардчилсан намын хариуцлагатай албан тушаал хашиж байсан. Ардчилсан намын дүрэм  улсын дээд шүүхийн бүртгэлтэй сейфэнд хадгалагдаж байгаа. 

Ардчилсан нам УИХ-д хамгийн олон суудал аваагүй тохиолдолд намын дарга, дэд дарга, ерөнхий нарийн бичгийн даргийг огцорсонд тооцно гэж дүрэмдээ заасан. Манай нам шууд автоматаар огцордог юм. Тиймээс энэ дарга нар байхгүй. Хууль дүрмийн дагуу дараа нь үйлчлэх эрчимтэй бичиг баримт бол энэ үндсэн дүрэм. Үүнээс үзэхэд С.Эрдэнэ намын дарга биш. Мөн УИХ-ын сонгуулиар нам нь олонхийн суудал аваагүй тохиолдолд байгууллага учраас хэн нэгэн хүн хариуцдаг. Тэр үүрэг надад ногдсон. Би өөрөө дарга болох  санал гаргаагүй, гудамжнаас тамга олоогүй. Би хадган дээр тавьсан тамга хүлээж авсан. Одоо хүртэл тэр тамга бий. Ямар нэг байдлаар энэ тамгыг хаяж, үрэгдүүлээгүй. Дээд шүүхэд өргөдөл өгөн, харин ямар байдлаар миний нэр цахим бүртгэлд орсныг би мэдэхгүй байна” гэлээ.

Д.Батчулуун