Засгийн газрын хуралдаан үргэлжилж байна. Өнөөдрийн хуралдаанаар гарсан зарим шийдвэрүүдээс Ерөнхий сайдын хэвлэлийн төлөөлөгч Ч.Болортуяа мэдээлэл өглөө. Тэрбээр, Хүүхдийн мөнгөн хуримтлалыг бүртгэх олгох журмыг хэлэлцсэн. Ирээдүй өв сангийн тухай хуулинд зааснаар “Хүүхдийн эцэг эх, асран хамгаалагч хүсвэл сард нэг удаа хүсэлт гаргаж тодорхой хэмжээг мөнгөн хэлбэрээр авах эрхтэй” гэсэн нэмэлт өөрчлөлттэй холбоотой журмын төсөл хэлэлцлээ. Иргэд сар бүр хүсэлт гаргаж хуримтлах эсвэл гар дээр авах сонголт хийх журам гарсантай холбогдуулж ерөнхий сайдын зүгээс “Сар бүр хүсэлт илгээх нь иргэдэд хүндрэл учруулна. Тиймээс журмыг хуулийн хүрээнд өөрчлөх боломжтой эсэхийг судалж долоо хоногийн дотор шийдвэрлэх” үүргийг өглөө.

Олон улсын эрдэмтдийн үзэж байгаагаар омикрон хувилбар гурав хоногт илэрч байна. УОК-ийн дэргэдэх эрдэмтдийн зөвлөлийн үзэж байгаагаар манай улсад нэгдүгээр сарын сүүлээс хоёрдугаар сарын эхэнд халдварын оргил үе илэрнэ гэж таамаглаж байна. Вакцины нэмэлт тунд гурван сарын дараа хамрагдах нь халдвар тархах чадварыг 70-75 хувиар бууруулж байгаа тул Засгийн газар, УОК, ЭМЯ-аас иргэдийг вакциндаа идэвхтэй хамрагдахыг уриаллаа. Вакцины нэгдүгээр тунд иргэдийн 69.7 хувь хамрагдсан бол дөрөвдүгээр тунд 10.247 иргэн хамрагджээ. Мөн ерөнхий сайдын зүгээс гадаадаас ирж байгаа иргэдийг гурав хоног тусгаарлаж байсныг цуцалж, онгоцны буудал, хилийн боомтын шинжилгээг олон улсын жишиг дагуу төлбөртэй болгох үүрэг чиглэл өглөө.

Т.Мөнхжаргал