УИХ-ын гишүүн С.Амарсайхан сэтгүүлчдийн асуултад хариуллаа. Тэрбээр "Бараа бүтээгдэхүүнийг гал тэрэгний өргөн царигаар татаж авах ажлыг эхлүүлэх хэрэгтэй байна. Хэрэв энэ ажил эхэлсэн тохиолдолд өдөрт 350 орчим вагон өргөн царигаар бараа бүтээгдэхүүн орж ирэх боломжтой болно. Тэгэхээр бидний авч хэлэлцүүлэх арга хэмжээ хоёр талаас шалтгаалах учир Хятадын талтай зөвшилцөх хэрэгтэй. Мөн экспортын бараа бүтээгдэхүүнийг нарийн царигаар гаргах зэрэг хоёр гурван чиглэлээр ажиллаж байна. Тээврийн зардал асар өндөр болсон. Үнийг буулгах тухай асуудлаар хоёр талдаа ажиллаж байна. Хууль хяналт, мэргэжлийн хяналтын үйл ажиллагаа явуулж байгаа. Бөөгнөрсөн бараа бүтээгдэхүүнийг нэг дор татаж авна гэж байхгүй. Давхар чингэлэг вагон ирвэл богино хугацаанд датаад авчих боломж байна хэмээн харж байгаа. Дүүжин тээврийн төсөл бол хэрэгжих ёстой төсөл. Энэхүү төслийг хотын дарга байхдаа богино хугацаанд хөөцөлдөж байж, Францаас 60 сая еврогийн санхүүжилт авч төслийг эхлүүлэхээр шийдвэрлэж байсан. Үүнд зарим нэг улс төрийн шалтгаанууд байх шиг байна. Өмнөхөө харлуулдаг зохион байгуулалттай зүйл байна. Төрийн залгамж халаа, залгамж бодлого гэж байхгүй болсон. Би эхлүүлээгүй хэмээн орхидог. Тамын тогооны үлгэр гэдэг шиг л юм болж байна” гэлээ.