УИХ-ын чуулганы нэгдсэн хуралдаан болж байна. Хуралдааны эхэнд УИХ-ын гишүүн Ж.Мөнхбат үг хэллээ. Тэрбээр “Өнөөдөр “Иргэдийн төлөөлөгчдийн хурлын дэргэд зөвлөл байгуулах тухай журам"-ыг оруулж ирж байгаа юм. Нөгөө хоёр журам буюу иргэдийн төлөөлөгчдийн хурлын төлөөлөгчийг эгүүлэн татах, засаг захиргаа нутаг дэвсгэрийн нэгжийг өөрчлөлтөд санал авах хоёр  журмыг ажлын хэсэг дээрээ нухацтай яръя гээд үлдээсэн. Орон нутагт монгол улс даяар улс төржсөн. Бүтэн дөрвөн жил бие биенийгээ эгүүлэн татах асуудлыг тавьсан, нөхөн сонгууль зарладаг ийм нөхцөл бүрджээ. Оруулж ирсэн журмын төсөл дээр тухайн тойргын сонгогчдын арван хувь нь гомдол гаргасан бол тухайн тойргоос сонгогдсон төлөөлөгчийн эгүүлэн татах асуудлыг авч хэлэлцэнэ гэж орж ирсэн. Хөдөө сум тав, зургаан багтай. Нэг багт хоёр гурван зуун сонгогч байгаа. 20,30 хүн гарын үсэг зураад тухайн төлөөлөгчийн эгүүлэн татдаг ийм нөхцөл байдал үүсгэж байгаа. Энэ нь сонгуулиас сонгуулийн хооронд улс төржих нөхцөлийг үүсгэх заалт учир тус заалтыг хасах хэрэгтэй” гэлээ.

Д.Батчулуун