Ардчилсан намаас нэр бүхий хүмүүсийг АТГ-т шалгуулах гэж байгаа талаар мэдээлэл хийлээ. Энэ үеэр УИХ-ын гишүүн Н.Алтанхуяг үг хэллээ. Тэрбээр "Шударга ёс байдаг бол Ардчилсан нам өнөөдөр хоёр байтугай тэргүүн нам. Манай Монголын нийгэмд ямар ялзарсан юм болсон гэхээр шударга бус гэдэг зүйл дэндсэн. 1990 оноос хойш бий болсон олон намын тогтолцоог устгах, ганцаараа дарангуйлах гэсэн зохион байгуулалттай үйл ажиллагаа явуулж байна. Ардын намынхан өнгөрсөн оны арванхоёрдугаар сард Солонгосын компанийг урьж авчирч, Монголын улс төр, нийгмийн байдалд дүн шинжилгээ хийлгэж, тэд нараар зөвлөмж гаргуулсан байдаг. Тэгэхээр өнгөрсөн оны арванхоёрдугаар сараас эхлээд МАН-ын эрх баригчид бид нар цаашдаа яах вэ гэдгээ гадаадынхнаас зөвлөгөө авсан. Тухайлбал, Ерөнхийлөгч Х.Баттулгыг дахин нэр дэвшүүлэхгүй байх, Монголд байгаа олон намын тогтолцоог устгах, Ерөнхий сайд У.Хүрэлсүх гэдэг хүний нэр хүнд унаад байгаа учир энэ хүнийг яаж ерөнхийлөгч болгох вэ гэдэг асуудлаар зөвлөгөө өгсөн байдаг. Үүнийг та бүхэн “Өрөг -13” нэвтрүүлгээс үзээрэй. Ардчилсан намыг хоёр тамга тэмдэгтэй болгож зодоон хийж байгаа нь бичигдсэн зохиолын дагуу хийж байгаа зүйл. Хуучин Ц.Элбэгдорж ерөнхийлөгч байхдаа зохиол бичдэг байсан юм. Одоо МАН-ын хуучин удирдлагууд зохиол бичсэн хэмээн харж байгаа” гэв.

Д.Батчулуун