Эрүүл мэндийн яамнаас мэдээлэл хийлээ. Энэ үеэр НЭМҮТ-ийн ОЭМА-ны дарга Б.Сувд амны хаалтын ач тусын талаар мэдээлэл өглөө. Тэрбээр “Маск зүүх нь Ковид-19-өөс сэргийлэх нийгмийн эрүүл мэндийн чухал хэрэгсэл юм. Амны хаалт зөв зүүх болон хүн хоорондын зай барих нь халдвар авах эрсдэлийг бууруулж байгаа. Мөн вакцины бүрэн тунгаа авсан хүмүүс ч халдвар авах эрсдэл өндөр байгаа тул урьдчилан сэргийлэх бүрэн арга хэмжээг хэрэгжүүлж амны хаалтаа зүүхийг зөвлөж байна. Бид амны хаалт зүүчхээд аваад халаасандаа хийх, цантсан тохиолдолд нүүрэндээ хүргэх зэрэг буруу үйлдлүүд гаргаж байгаа. Тиймээс зөв зүүж, зөвөөр хаях нь чухал байна. Дэлхийн эрүүл мэндийн судалгаагаар 2020 онд нэг амны хаалтыг өдөрт дунджаар 29 цаг зүүдэг байсан бол 2021 онд өдөрт дунджаар 4,2 цаг зүүдэг болсон байна” гэлээ.

Амны хаалт зөв зүүх алхам

1.   Гараа савандаж угаана
2. Амны хаалтаа зүүнэ
3. Гадна болон дотор талыг зөв тааруулна
4. Хатуулгыг хамартаа тааруулна
5. Ямар нэгэн зай завсар гарахгүйгээр нүүрэндээ тааруулна
6. Зөв зүүсэн амны хаалтад хүрэхгүйгээр хугацаанд нь зүүнэ

Амны хаалтыг зөв хэрэглэж байгааг шалгах арга

1. Таны амны хаалт нүүрэндээ сайн таарч байгааг шалгах. Амьсгалаар гарч буй дусал бүхий агаар амны хаалтын ирмэгээр нэвчиж, гадагшлуулдаг. 
2. Өөрийн шүлсний дуслыг гадагшлуулахгүй, бусдын дуслыг нэвтрүүлэхгүйн тулд давхарга бүхий амны хаалт сонгоорой.